Полицијата го уапси Емил Јакимовски кој се закануваше на новинарки
Објавено во: Македонија 17 Јануари, 2020
Полицијата го уапси Емил Јакимовски кој се закануваше на новинарките Мери Јордановска и Искра Корошевовска, пренесува А1.он. Апсењето се случува по многуте пријави против лицето за семејно насилство, но и по последните закани кон новинарките Мери Јордановска од „А1он“ и Искра Коровешовска од „ТВ Алфа“ кои го пријавија Јакимовски дека им се заканувал и ги навредувал преку социјалните мрежи.
Тој претходно е избркан од Централниот регистар, каде работел како помошник раководител на сектор. Директорката на Централниот регистар, Марија Бошковска Јанковски донесе Решение за престанок на работниот однос на лицето Емил Јакимовски поради, како што соопштија доцна синоќа од оваа институција, суштествени повреди на одредбите од Колективниот договор на Централниот регистар. Емил Јакимовски кој се поврзува со опозициската ВМРО-ДПМНЕ ја присвоил фан-страницата на Централен регистар на Фејсбук, каде објавуваше статуси за директорката Марија Бошковска Јанковски, но и други лица кои се вработени во институцијата.
Освен на новинари, се заканувал и на градоначалници.