ПОЛЕТАА АВИОНИТЕ НА „ЕР СРБИЈА“: Отворен аеродромот „Никола Тесла“, за патниците не е потребен корона тест

Добивај вести на Viber

Српската авио-компанија „Ер Србија“ од денеска ги обнови комерцијалните летови. Првите патници заминаа во Цирих и во Франкфурт. Српските власти од денеска ги отворија државните граници, најавувајќи дека сите кои влегуваат во Србија, како домашни, така и странски државјани немора да имаат негативен тест за корона вирусот, ниту пак да одат во самоизолација. Според помошник министерот за авио-сообраќај, Зоран Илиќ, се се одвива како и пред вонредната состојба во Србија, но сега мора да се почитуваат мерките за заштита.

Задолжително мора да се носат за време на целиот лет маски, по желба визири и ракавици, а аеродромот е целосно опремен со средства за дезинфекција и направена е физичка дистанца.

Според уредничката на Магазинот „Бизнис“, Радојка Николиќ, ова e почеток на враќање на животот во нормала. Сепак во емисијата „За економијата“ на РТС, Николиќ вели:

-Се прилагодуваме на новите околности, епидемијата полека изминува и сега имаме нова реалност. Авио, патничкиот сообраќај и туризмот неповратно загубија приходи, кои макотрпно ќе ги повратуваат. Несигурноста е се уште голема.

Што се однесува до копнените граници ќе има извесни прпблеми. Уредникот на емисијата САТ, Младен Алвировиќ вели се додека не се отвори границата со нашава земја, од 1. јуни ќе може да патуваат во Грција преку Бугарија.

-Не се дефинирани конкретните процедури на границите. Клучна информација очекуваме од Северна Македонија. Заради претстојниот празник таму, очекуваме дискусијата за отворање на границите да биде дури во текот на следната недела, вели Алвировиќ.