Пола милијарда долари до сега за „кинеските“ автопати
Објавено во: Финансии 26 Јули, 2019
Речиси за 100 милиони евра е зголемена задолженоста, односно висината на кредитите кои Македонија ги има кон странските банки за изградба на автопати и локални, државни и експресни патишта како и нивна рехабилитација и реконструкција. Ако на крајот на 2018 состојбата на задолжување кај ЈП Државни патишта била 31,4 милијарди денари кај финансиерите, на крајот од минатата година таа изнесувала 37 милијарди денари, пари што се должат за вкупно 11 заеми.
Исплатата на автопатите од Миладиновци до Штип и од Кичево до Охрид финансирана од Ексим Банка Кина допрва започнува со завршувањето на петгодишниот грејс-период откако нивната изградба започна во 2014. Од независниот ревизорски извештај може да се види дека финансирањето лани на овие две делници одело бавно.
За Миладиновци - Штип како единствен автопат во Источна Македонија до крајот на 2018 биле префрлени околу 183 милиони долари, односно во текот на минатата година се дадени 33 милиони долари за негова доизградба иако веќе требаше да биде пуштен во употреба до тогаш. За автопатот Кичево - Охрид до сега од кинескиот кредитор се префрлени 287,6 милиони долари, иако истиот ќе чини многу повеќе кога ќе заврши неговата изградба, но лани поради прекините во работењето се префрлени околу 49 милиони долари.
Оваа година, според програмата на ЈП Државни патишта, се очекува годишниот заем од Експорт Импорт Банка од Кина да изнесува повеќе од 80 милиони долари, со тоа што првиот автопат е пуштен во употреба од пред два месеци, додека за вториот не може да се даде прецизен рок кога ќе биде довршен. Каматата изнесува 2 отсто, а ќе ги плаќаме во наредните 15 години. За првиот пред да започне изградбата беше предвидено да чини 206 милиони евра кај кредиторот, додека за другиот сумата може да достигне и до 600 милиони евра според претпоставките.
Македонија преку ЈП Државни патишта им должи и на Европската инвестициска банка, Европската банка за обнова и развој и Светска банка и станува збор за многу помали заеми за разни проекти. Два кредити минатата година биле затворени, на шест во тек им е исплатата на ратите, а за четири од нив враќањето на основниот долг и каматите допрва ќе започне.
Каматите се движат од 2 до 3,62 отсто, а отплатата на последниот кредит од актуелните истекува во 2043.
А.К.
Можеби ќе ве интересира
НА ЕДНА ПЛАНИНА ВО СОСЕДСТВОТО ИМА ЗЛАТО ЗА ПОЛА ЕВРОПА: Стрикленд Металс влезе во „профитабилната српска игра за злато“
ЗА 100 ИНВЕСТИРАНИ МНОГУ БРЗО ДОБИВАТЕ 10.000 евра: Криптовалутите станаа најбезбедна инвестиција, а пазарот покажува раст на цените
Генерали Инвестментс: Централните банки ги држат пазарите на капитал во неизвесност
„ВО ХРВАТСКА СЕ СЀ НАПЛАЌА, ДУРИ И ТУШОТ НА ПЛАЖА“: Сместувањето рипна на 90 евра од ноќевање, сезоната се уште не е започната, а многумина предвидуваат пропаст
ГОТОВО Е: Познат е датумот кога ќе заврши „копањето“ на биткоин
ОСНОВНАТА КАМАТА ОСТАНУВА ВИСОКА ДО СМИРУВАЊЕ НА ИНФЛАЦИЈАТА - Народна банка: „нивото сѐ уште е над историскиот просек“
„БЕЗ ТРАНСПАРЕНТНОСТ И ОТЧЕТ СЕ ТРОШАТ ОКОЛУ 10 МИЛИОНИ ЕВРА ЗА НАБАВКИ ВО УЧИЛИШТАТА СО ПАРИ ОД РОДИТЕЛИТЕ“: Истражување на Центарот за граѓански комуникации
СО ВАКВА ЗАРАБОТКА САМО НЕБОТО Е ГРАНИЦА: Еве како работеше Белград на вода во 2023 година
ДОБРО РАЗГЛЕДАЈТЕ ГИ МОНЕТИТЕ ОД ДВЕ ЕВРА ШТО ГИ ИМАТЕ ДОМА: Можеби имате вредна паричка од пет илјади евра, а тоа не го знаете
