Добивај вести на Viber
Во Хрватска околу градот Петриња каде имаше силен земјотрес од 6.2 степени се појавуваат дупки во земјата.
Медиумите пишуваат за појавата на дупки во земјата на повеќе места во подрачјето покрај реките Купа и Сава.
„Кога ќе се случи потрес тогаш доаѓа до компактирање на песокот и пропаѓање на земјата. Цврстата почва и мокриот песок под површината на земјата стануваат течност. Оваа маса избива на површината, а тоа се случи во селото Брест, каде што напукна земјата и песокот се исфрли на површината. Некои од куќите испукаа и тие се неупотребливи“, изјави сеизмологот Ивица Совиќ, за ХТВ.
Во земјотресот се оштетени 8.928 згради. Околу 20 отсто се целосно срушени или сериозно оштетени и повеќе не можат да се користат. За 24 отсто од објектите ќе биде потребен дополнителен статички преглед, а 54 отсто од објектите може да се користат и покрај штетата.
Скоро 300 земјотреси имало за 6 дена во Петриње. И денеска на територија на Хрватска се регистрирани десетина земјотреси.