Добивај вести на Viber
Продажбата на млеко од сите хрватски производители во Босна и Херцеговина (БиХ) по информацијата за канцерогеното млеко е намалена за дури 30%, пренесува SeeBiz. Според порталот граѓаните на БиХ , исплашени за сопственото здравје почнаа да купуваат само млеко од домашни производители. Паниката меѓу граѓаните дополнително ја зголемуваат и информациите дека иснспекцијата, канцерогено млеко поронашла во продажба во седум општини во Република Српска.
Како што пренесуваат босанските медиуми, главниот инспекторат за храна на БиХ вчера потврдил дека од спорното млеко од производителите Дукат и Виндија е пронајдено во општините Градишка, Дервента, Бијелина, Прнњавор, Братунац, Пиједор и Добој.
„Пронајдени се вкупно 383 литри спорно млеко, од кое 256 литри самите трговци пред иснпекциските контроли го издвоиле и повлекле од промет, додека во промет се затекнати 127 литри млеко, кое е повлечено и е наложено нивно уништување“ велат од Испекторатот за храна на БиХ.
Откако Хрватскиот ветеринарен институт утврди коцентрација на афлатокисн со минимални отстапувања над дозволените, во Хрватска, Босна и Херцеговина и Црна Гора неодамна беа повлечени сите количини на млекото на „Виндија“ со 2,8% млечна масленост во пакување од еден литар, со рок на употреба до 3 јули 2013 година, млекото УХТ (хомогенизирано и стерилизирано) на „Виндија“ со 2,8% млечна масленост во пакување од еден литар, со рок на употреба до 24 и 31 јуни 2013 година, трајното млеко на „Дукат“ со 2,8% млечна масленост во пакување од половина литар, со рок на траење до 24 мај 2013 година, како и трајното млеко на „Дукат“ „Лагано јутро“ со 2,8% млечна масленост, во пакување од еден литар со рок на траење до 25 април 2013 година.
Македонските купувачи утре ќе дознаат дали во трајното млеко на хрватскиот производител има афлатоксини. Откако во јавноста излезе скандалот со небезбедното млеко од „Дукат“ и „Виндија“, во Македонија се увезени 360 литри, кои не дошле до полиците во маркетите и се' уште се наоѓаат во складот на увозниците. Се работи за четири типови млеко во пакувања со различна големина и различна масленост, само од производителот „Дукат“. Во нашата земја нема увезено млеко од „Виндија“, од типот за кој во моментов институциите се сомневаат дека има траги од афлатоксини.