По што се разликуваат британскиот, јужноафриканскиот и њујоршкиот сој на коронавирусот?
Објавено во: Свет, Корона Вирус 01 Март, 2021
Мутациите на коронавирусот имаат сличности, но и разлики.
За британскиот сој на коронавирус данска студија покажа дека оние кои ќе се заразат со овој вид имаат за 64 отсто поголеми шанси да завршат во болница. Овој вид се појави во септември 2020 година и иако првично британските власти изразија страв дека може да биде за 70 проценти позаразен, податоците покажаа дека заразата е помала и се движи помеѓу 30 и 50 проценти.
Она што е познато засега кога станува збор за јужноафриканскиот вид е дека постои еден симптом што најчесто доведува до хоспитализација, а тоа е отежнато дишење. Него веќе го има во Хрватска и Словенија.
Њујоршкиот сој на коронавирус неодамна се појави во Хрватска. Истражувачите на геномика именуваа нова варијанта Б.1.526, а научниците сè уште не утврдиле колку оваа варијанта може да биде проблематична.
foto freepik