По одлуката на Владата: Престана да функционира платформата за интернет игри на среќа
Објавено во: Економија 01 Октомври, 2024
Со Одлука на Владата, престанува правото за приредување на интернет игри на среќа на Државна Видеолотарија. Од таму известуваат дека платформата 2win.mk мора да престане со прием на влогови во интернет игрите на среќа.
„Ве информираме дека започнатите интернет игри на среќа ќе бидат обработени по нивното комплетирање, а евентуалните добивки ќе бидат исплатени. Средствата од сметките за интернет игри на среќа ќе бидат исплатени во целост на регистрираните банкарски сметки на платформата, во законскиот рок“, информираат од АД Видеолотарија.
По исплатата на средствата, платформата за интернет игри на среќа ќе остане достапна само со можност за увид во профилите и завршените игри и плаќања.
„Доколку имате невалидна банкарска сметка за исплата, ќе имате можност да доставите нова валидна банкарска сметка за комплетирање на исплатата“,додава најголемиот приредувач на онлајн игри на среќа.
Веднаш по создавање на услови, платформата за интернет игри на среќа, 2win.mk ќе се врати во функција, велат од таму, алудирајќи на потребата повторно платформата да се стекне со лиценца за работа.
Можеби ќе ве интересира
Директорот на пазарниот инспекторат: Без поголеми казни, не правиме ништо против поскапувањата
Царинската управа преку зголемени казни до поголеми приходи
Фон дер Лајен ја најави првата транша до крајот на годината, Македонија очекува помош од 52,5 милиони евра
Бектеши бара ЕСМ да каже колку пари троши за набавка на струја од берза, од таму велат дека поранешниот министер е виновен за таа ситуација
„АКО ПРОДОЛЖИМЕ СО ВАКВА НАПЛАТА НА ПРИХОДИТЕ, МОЖЕ ДА ЗБОРУВАМЕ ЗА ПОГОЛЕМИ ПОКАЧУВАЊА“ - еве што вели министерката за финансии за платите
ГОЛЕМО ПОСКАПУВАЊЕ НА ГОРИВАТА - цените на бензините рипаат за 2,5 денари, еве колку ќе поскапат останатите
ЛУФТХАНЗА ЌЕ ГО НАМАЛИ БРОЈОТ НА ЛЕТОВИ ВО ГЕРМАНИЈА - меѓународните превозници се повеќе ја избегнуваат, можат ли да ја изгубат врската со светот
КОЈ ГРАД ИМА НАЈНИСКИ ЦЕНИ ВО МАКЕДОНИЈА?! – Мала земја, голем разлки во трошоците за граѓаните, еве какви се движањата низ градовите
