По објавата за преземање: Берза го стави Скопски пазар на листа на набљудување
Објавено во: Финансии 15 Јануари, 2021
Македонска берза го внесе Скопски пазар АД Скопје на „Листата за набљудување“.
Одборот на директори на Берзата го донел овој заклучок со цел да се обрне внимание на инвеститорската јавност поради тоа што до друштвото е доставена Намера за објавување на понуда за преземање.
Имено Скопски пазар извести дека Има понуда запреземање на сите обични акции со право на глас од страна на преземачите Современ дом АД Прилеп и ЗСФ-КОМ ДООЕЛ Скопје.
Фактор веќе извести за намерата. Двете друштва кои се акционери во Скопски пазар нудат по 6.500 денари од акција.
Современ дом на Ацо Дудулоски и претходно имаше понуда но таа беше неуспешна.