ПО НЕСРЕЌАТА ВО РОМАНОВЦЕ: Утре ден на жалост во Куманово
Објавено во: Македонија 24 Февруари, 2020
Членовите на Советот на Општина Куманово денеска едногласно одлучија утре да биде прогласен ден на жалост на територијата на Општина Куманово.
Утре ќе бидат прекинати сите културни активности и манифестации во општината, а знамињата ќе бидат спуштени на половина копје.
Почит кон загинатите во селото Романовце, членовите на Советот, на предлог на градоначалникот, Максим Димитриевски оддадоа со минута молчење.
Во семејната куќа во Романовце, вчера при пожар од експлозијата на плинската боца починаа четири лица, од кои три деца на возраст од осум, девет и единаесет години. Состојбата на тројца пациенти кои се во болница е критична.