По Кон и Брнабиќ кои примија вакцина од Фајзер, со вакцината Спутник V се вакцинира српскиот државен врв
Објавено во: Балкан 07 Јануари, 2021
Српскиот државен
врв се вакцинира со руската вакцина Спутни V, а меѓу првите кои ја примија се
Ивица Дачиќ, претседател на српскиот Парламент, министерот за внатрешни работи
Александар Вулин и државниот секретар во Министерството за здравство, Мирсад
Џерлек. Тие биле вакцинирани во Институтот за вирусологија, вакцини и серуми во
„Торлак“. Првиот контингент од 2.400 дози вакцина Спутник V пристигна во Србија
пред седум дена.
Веднаш по вакцинацијата Дачиќ направи и селфи фотографија по што изјави:
- Сите сме добро, како што можете да видите. Веќе рековме дека секој од нас, носители на највисоки државни функции, ќе примамаме вакцини од различни производители со цел да се зголеми довербата на граѓаните во процесот на вакцинирање. Сакаме да покажеме дека даваме поддршка и учествуваме во заштитата на јавното здравје. Ова го правиме за да ја зајакнеме довербата на граѓаните во процесот на вакцинирање, бидејќи тој процес со години е жртва на разни теории на заговор, кои „имаа тешки и негативни последици врз населението“, изјави Даќиќ, а пренесе српски Новости.
Инаку, на 24 декември, премиерката Ана Брнабиќ, како и членовите на Кризниот штаб, Дарија Кисиќ Тепавчевиќ и епидемиологот Предраг Кон први се вакцинираа против Ковид-19 со вакцината на Фајзер.
FOTO/Tanjug Rade Prelić