Пленковиќ; Поддршката за работниците се зголемува од 3.250 на 4.000 куни

Добивај вести на Viber

Хрватскиот премиер Андреј Пленковиќ денес во 17 часот го претстави новиот пакет економски мерки кој треба да биде усвоен од Владата. Тој ги повика сите да бидат трпеливи и да им веруваат на оние што се во првите редови во борбата против коронавирусите. Работниците од загрозените сектори, наместо досегапните 3.250, ќе добијат 4.000 куни, што е рамно на 525 евра.

- Повеќе од 65.000 компании започнаа со спроведување на нашите мерки, зачувувајќи ги работните места. Оваа цел е исклучително важна затоа што првите проценки за обемот на оваа криза се повисоки од оние од 2008 година. Првата мерка е дека поддршката што веќе ја користеле 400.000 луѓе од овој месец се зголемува од 3,250 куни до 4,000 куни нето. Покрај тоа, државата го презема и товарот за придонесите кон овие 4.000 куни. Втората мерка е кон компаниите со целосни или отежнати пречло на работа..

Оние кои имаат пад на приход од 20 до 50 проценти, ќе бидат ослободени од данок на доход, данок на добивка и придонеси во наредните три месеци. Оние кои имаат пад на приходите од над 50 проценти, ќе бидат ослободени од целосно плаќање на сите даночни обврски. Оние компании кои заработуваат повеќе од 7,5 милиони куни се ослободени од даночни обврски процентуално еднаков на нивниот пад. Исто така, Владата ќе предложи да се одложи плаќањето на данокот на додадена вредност се додека не се платат фактурите, но тоа не значи дека тие се ослободени од плаќање ДДВ - рече Пленковиќ.