ПЕСИМИСТИЧНА ПРОГНОЗА: Можеби никогаш нема да има решение за коронавирусот
Објавено во: Свет, Корона Вирус 03 Август, 2020
Можно е никогаш да не се најде решение за коронавирусот.
Генералниот директор на СЗО, Тедрос Аданом Габриезус и директорот за вонредни состојби Мајк Рајан инсистираат на тоа државите строго да ги спроведуваат епидемиолошките мерки како што се носење маски, социјална оддалеченост, миење на рацете и тестирање.
„Пораката до народот и владите е јасна: Направете го сето тоа “, вели Тедрос.
Маските за лице, рече тој, треба да станат симбол на солидарност ширум светот.
„Повеќе вакцини се во третата фаза на клинички испитувања и сите се надеваме дека ќе имаме поефективни видови вакцини кои би помогнале во спречувањето на инфекцијата. Сепак, засега нема чудесно решение и никогаш нема да има“, рече Тедрос.
Тој призна дека постои страв дека нема да имаме вакцина која е ефикасна, или дека заштитата од болеста ќе биде само краткотрајна и ништо повеќе.
Мајк Рајан изјави дека земјите со високи стапки на пренесување на болести, вклучително и Бразил и Индија, мора да се подготват за голема битка и дека патот е долг.
Гебриесус истакна дека мајките треба да ги дојат своите бебиња дури и ако се заразени со коронавирус, бидејќи придобивките ги надминуваат ризиците од инфекцијата.
Во светот има 18.1 милион заразени од коронавирусот.
Во меѓувреме се тестираат вакцини за кои уште не се знае дали успешно би помогнале во борба со вирусот.
Неизвесно е дали оваа зима ќе ја има првата вакцина против коронавирусот, а Оксфорд универзитетот подгрева надеж.Првите клинички испитувања се извршени на повеќе од 1.000 волонтери и дадоа одлични резултати.