Пендаровски реагираше до Радев за мешањето во внатрешните работи на Македонија

Претседателот на државата, Стево Пендаровски смета реагира дека е крајно невообичаено и секако надвор од внатрешите процедури на Алијансата,  претседател на една земја-членка на НАТО да ги повикува своите служби за безбедност да реагираат за наводно кршење на правата на граѓаните во друга-земја членка на НАТО. Реакцијата следи откако неговиот бугарски колега Румен Радев побара заштита за бугарското малцинство во Македонија, кое според него е малтретирано. 

„Крајно невообичаено и секако надвор од внатрешните процедури на Алијансата е претседател на една земја-членка на НАТО да ги повикува своите служби за безбедност да реагираат за наводно кршење на правата на граѓани во друга земја-членка на НАТО. Реакцијата на бугарскиот претседател е спротивна и на основниот принцип во меѓународната политика за немешање во внатрешните работи на друга држава“, се вели во реакцијата.

Од Кабинетот појаснуваат дека досега Пендаровски нема добиено ниту една информација од надлежните институции за кршење на човековите слободи и права на македонски граѓани само затоа што ја декларирале својата етничка припадност.

„Како држава кандидат за членство во ЕУ ние сме со години под редовен мониторинг на Брисел, но, ниту во последниот годишен извештај за напредокот на Европската Унија не се регистрирани такви случаи“, велат од Кабинетот. 

Недопустливо е во 21 век некој да не го признава правото на самоопределување, изјави денеска за БНТ, Екатерина Захариева, министер за надворешни работи во бугарската Влада. Од ВМРО-ДПМНЕ побараа Владата да го осуди однесувањето на Радев.