Пендаровски не верува дека ќе го убеди Макрон за датумот?
Објавено во: Македонија 08 Ноември, 2019
Шефот на државата, Стево Пендаровски вели дека илузорно е да се очекува дека претседател на толку мала држава како нашата може да го убеди францускиот претседател за три недели да го смени ставот и да даде датум за старт на преговорите на земјата со унијата.
Пендаровски вели добро е што се отвара можност да бидат соочени аргументите, а тврди новата методологија каква и да е не треба да ја обесхрабри земјата на патот кон нејзините евроинтеграции.
Неколку дена има до средбата на Пендаровски со францускиот претседател, Емануел Макрон.
Премиерот Зоран Заев беше среќен затоа што ќе се одржи таа средба во Париз.По неуспехот во Брисел кога Македонија не доби датум за преговори поради ветото од Франција, Заев кажа дека три - четири месеци се обидувале да договорат средба со францускиот претседател, но не успеале.