Пендаровски му го даде мандатот на Заев, тој најави нова влада за 20 дена
Објавено во: Македонија 13 Август, 2020
Претседателот на Македонија, Стево Пендаровски, му го додели мандатот за составување на Влада на лидерот на СДСМ, Зоран Заев, кој најави дека во наредните 20 дена ќе биде формирана егзекутивата.
„Чест и одговорнст ми е што согласно Уставот, како предводник на СДСМ и коалицијата „Можеме“, денеска да го добијам мандатот од претседател за составување на нова одговорна европска Влада со инстоитуции кои ќе служат уште повеќе. Имаме рок од 20 дена за определување на кадри за полн четиригодишен мандат за стабилна влада која ќе биде подготвена да им служи на сите граѓани подеднакво без било какви предрасуди и национализми“, рече Заев во протоколарниот дел.
Тој најави дека ќе бидат предложени одговорнии отчетни кадри кои, како што вели, ќе се борат против криминалот и корупцијата, прочистување на правосудството и проверка на потеклото на парите на секој функционер.
Најави дека економски приоритет ќе биде вложување во младите, рамномерниот регионален развој, политика за најсиромашните граѓани и домашното стопанство,
„Ќе водам Влада која не знае за скршнување од патот која после патот кон НАТО ќе води кон членство до ЕУ.. За 20 дена а лично верувам и порано Северна Македонија ќе добие ефиканса Влада против пандемијата, ќе обезбеди повеќе пари и подобри услуги за граѓаните“, рече Заев.