ПАВЛЕ ГАЦОВ ЗА ПРОГРЕСИВНИОТ ДАНОК: Заев рече „нема да ме закачи“, морам да констатирам дека е тоа неточно
Објавено во: Економија 12 Ноември, 2018
Даночниот експерт Павле Гацов, во Економски магазин на Алсат М изјави дека прогресивниот данок ќе засегне мал број граѓани, но ова ќе го опфати и премиерот Зоран Заев.
„Премиерот Зоран Заев рече „нема да ме закачи“, меѓутоа морам да констатирам дека е тоа неточно, ќе го закачи, затоа што има нето плата 87.000, а сите оние кои имаат над 81.100 ќе платат прогресивен данок на разликата нагоре со 18%“, вели Гацов.
Дали ќе биде погоден бизнисот, вели зависи колкави се платите.
Mинистерот за финансии, Драган Тевдовски во Економски магазин на Алсат М изјави дека парите од прогресивниот данок, ќе ги наменат за социјални мерки затоа што и таму според него има голема неправда.
Вели дека оваа политика е апсолутно исправна.
На ова екс министерот за финансии, Трајко Славески рече дека ова што сега се прави нема врска со тоа.
Славески изјавите на Тевдовски ги нарече паушални, и рече дека аргументите на Стопанските комори не се за џабе.