ПАРЛАМЕНТОТ НА ПОТЕГ: Грција на чекор да ја добие првата жена претседател
Објавено во: Балкан 22 Јануари, 2020
Соседна Грција е на чекор до добивањето на првата дама за шеф на државата.
Катерина Сакеларополу , Жената која е на повидок да стане првата жена претседателка, во моментов е претседателка на Државниот совет, највисокиот суд во Грција а ќе биде наследничка на Павлополус чиј мандат ќе заврши во март.
Во грчкиот парламент денеска се одлучува токму за ова прашање, а за предлогот на грчката влада ќе носат одлука пратениците.
Според најавите, седницата е закажана за во 10,30 часот по локално грчко време.
Лидерот на најголемата опозицска партија во Грција, СИРИЗА, Алексис Ципрас изјави дека неговата партија ќе ја поддржи кандидатурата на Катерина Сакеларополу за претседателка на таа земја.