ПАРИ ЗА СТОТИНА ПРОЕКТИ: Наместо за карго аеродром во Штип, ќе се доделат на 75 општини
Објавено во: Економија 23 Декември, 2020
Усвоен е анексот на договор со ТАВ за активирање на средствата наменети за 99 инфраструктурни проекти за 75 општини. Ова е одлука од 33-та седница на Владата.
Владата вечерва ја одржа редовната 33-та седница на која е утврден текстот на Анексот на Договорот за концесија склучен помеѓу Република Северна Македонија и ТАВ Македонија ДООЕЛ, со кој практично е ставена во функција одлуката за распределба на средствата што беа предвидени за карго аеродром во штипско.
Сега финансискиот износ се пренаменува за 99 инфраструктурни проекти за 75 општини во државата, како и за проширување на капацитетите на аеродромските згради во Скопје и Охрид.