Пандов: Прославувавме пензионирање, полицијата не повика да дадеме изјави во станица
Објавено во: Македонија 27 Февруари, 2021
Полицијата соопшти дека од угостителски објект во Стајковци се приведени 18 луѓе за непочитување на мерките за заштита.
Претседателот на Патриотскиот институт на ВМРО-ДПМНЕ, Александар Пандов за „360 степени“ потврди дека вчера заедно со Миленко Неделковски и Александар Митовски биле на прослава по повод пензионирањето на Неделковски.
„Точно е дека јас и мојата партнерка бевме во локалот по повод пензионирањето на Неделковски. Јас на себе немав часовник, но мислам дека беше околу 21:25 часот или можеби и 21:30 часот и веќе бевме надвор пред локалот кога полицијата нè повика да отидеме да дадеме изјава. Беа сосема коректни во односот, ние отидовме дадовме изјава и тоа беше тоа. Јас првпат влегувам во полициска станица, претходно сум немал вакво искуство“, вели Пандов за „360 степени“.
Од полицијата информираат дека на 26 февруари во 22 часот кај нив е пријавено дека угостителски објект на ул. „6“ во с. Стајковци, сопственост на С.П. и А.П. (52), работи и во него има гости. По документирање на случајот против нив ќе бидат поднесени соодветни пријави.