15 Август, 2020
0.0308

„Падна“ договор за повисоки плати на здравствените работници

Објавено во: Економија 11 Ноември, 2019

Ќе скокнат платите на здравствените работници.

„Падна“ договор за зголемување на платите на здравствените работници и соработници, и тоа ќе стартува од февруари идната година.

Лекарите специјалисти ќе имаат за 25 проценти повисоки плати, а медицинските сестри за 10 проценти. 

Платата на лекар специјалист наставник или обичен специјалист во Клиничкиот центар на Хируршките клиники и на Интерните клиники ќе достигне, но на некои и ќе надмине и 100.000 денари. 

„Просекот на платата на лекар специјалист во општите болници ќе биде помеѓу 85 и 88.000 денари, заедно со дежурствата и во согласност со бројот на дежурствата може многу лесно да достигне и до 100.000 денари. Дозволете да кажам и дека нема да ги оставиме ниту заборавиме сите тие што досега не добија зголемување. Тука мислам на болничко-техничкиот персонал, кој исто така е во тимот, администрацијата што работи во здравството ќе биде предмет на дискусија во текот на следната година. Остануваме доследни на сите наши ветувања, веруваме дека со оваа мерка го враќаме достоинството на здравствените работници. Ќе продолжиме и понатаму да работиме не само во однос на зголемувањето на платите туку и подобрување на условите во кои работи здравствениот персонал затоа што само задоволни од системот и добро стимулирани финансиски здравствени работници, значи задоволни и добро третирани пациенти“ – вели министерот за здравство, Венко Филипче. 

Тој изрази благодарност до синдикатите за нивната контруктивност, но и до лекарите специјалисти, членови на синдикатот, меѓутоа и во сите јавни здравствени установи, кои се согласија да се намали процентот на нивното зголемување за да се зголеми процентот на зголемување на платите на медицинските сестри.

Кумулативно заедно со сите други зголемувања од 2018 година наваму, основната плата на лекарот специјалист се зголемува за 40 отсто, а на медицинските сестри помеѓу 20 и 23 отсто. 

Сите зголемени примања треба да се предвидени и во новиот буџет, за изборната 2020 година. Премиерот Зоран Заев потврди дека за него ќе се гласа утре на владина седница.

Претходно СОНК и МОН договорија повеќе пари за просветарите, кои од јануари ќе добиваат плата повисока за 10%.

Можеби ќе ве интересира

Како ќе се спаси германската економија?

Како ќе се спаси германската економија?

Македонија е најевтина земја во Европа - Британците би заштедиле ако се преселат овде

Македонија е најевтина земја во Европа - Британците би заштедиле ако се преселат овде

Костовски: Точно е дека како групација имаме долг од пет милиони евра кон Комерцијална банка - под хипотека се зградата, Поштенска банка и Палата Македонија

Костовски: Точно е дека како групација имаме долг од пет милиони евра кон Комерцијална банка - под хипотека се зградата, Поштенска банка и Палата Македонија

Сопственикот на банката обвинува: поранешниот директор Петковски го натера вујко му да формира фирма со пет илјади евра, а потоа му даде кредит од 1,2 милиони евра

Сопственикот на банката обвинува: поранешниот директор Петковски го натера вујко му да формира фирма со пет илјади евра, а потоа му даде кредит од 1,2 милиони евра

КОМПАНИЈА ФОРМИРАНА ВО ДУБАИ САКАЛА ДА ЈА КУПИ ЕУРОСТАНДАРД - Костовски ќе вложел и свои 2,5 милиони евра само да се спаси банката

КОМПАНИЈА ФОРМИРАНА ВО ДУБАИ САКАЛА ДА ЈА КУПИ ЕУРОСТАНДАРД - Костовски ќе вложел и свои 2,5 милиони евра само да се спаси банката

Тонат економиите на три европски земји поради пандемијата

Тонат економиите на три европски земји поради пандемијата

Костовски: Не ја ставајте во овој вител Нина Ангеловска, таа е стар клиент на банката

Костовски: Не ја ставајте во овој вител Нина Ангеловска, таа е стар клиент на банката

Костовски обвини за смислено сценарио, ако се прифати стечајот ќе ја тужи државата и Народна банка

Костовски обвини за смислено сценарио, ако се прифати стечајот ќе ја тужи државата и Народна банка

Ангеловска-Бежоска кај Пендаровски: Максимални напори за обештетувањето на депонентите во Еуростандард

Ангеловска-Бежоска кај Пендаровски: Максимални напори за обештетувањето на депонентите во Еуростандард