ОВА СЕ УЧЕНИЦИТЕ КОИ БЕА УБИЕНИ ВО АВТОБУСОТ ВО КОСОВО: Учеле во средното медицинско училиште, класната се прости од нив со емотивен статус
Објавено во: Балкан 27 Ноември, 2021
Во нападот со
калашников на автобусот кај Дечани во Косово животот го загуби возачот на
автобусот Гани Ѓокај, како и учениците од село Глоѓан - девојката Л.Х.(16) и
момчето Ѓ.М.(17).
Тие биле ученици на средното медицинско училиште. По страшната вест, класната раководителка на убиената девојка се прости од неа со емотивна објава на Фејсбук. Покрај фотографиите од девојчето и класот, таа напиша:
„Проклет да си криминалецу што ја уби мојата ученичка. Сочувство до семејствата на сите убиени вечерва“.
Косова Клан јавува дека портпаролот на полицијата за регионот на Пеќ, Фадиљ Гаши изјавил дека во автобусот во моментот на пукањето имало осум патници. Потврдено е и дека повредените патници се префрлени во болницата во Пеќ, но од оваа здравствена установа не наведуваат колку лица се повредени. Според неофицијални информации, повреден е уште еден ученик.
ФОТО: FACEBOOK/GJIMNAZI "A. XHUVANI" PODUJEVË - FAQJA ZYRTARE