Oва се најбогатите жени во светот
Објавено во: Финансии, Свет 08 Март, 2019
На листата најбогати луѓе во светот, 11 отсто се жени.
Од 2.043 најбогати кои се најдоа на листата на Форбс, 227 се жени. Тие заедно имаат богатство вредно 852,8 милијарди долари.
Најчесто се работи за наследнички, но некои жени со својот труд успеале да дојдат до своите милијарди. Тука спаѓаат пејачки, глумици, манекенки, успешни бизнисменки.
Најбогатата жена во светот е Французинката Франсоаз Бетанкур Мејерс. Taa e наследничка на козметичката империја „Лореал“, со богатство од 49,3 милијарди долари. Таа е 15-та најбогата жена на светот.
Во топ пет најбогати жени се:
– Алис Волтон од САД, косопственичка на Волмарт маркетите (44,4 милијарди долари),
– Жаклин Марс, наследничка на Марс компанијата за чоколади, филантропка и втората Американка на топ листата (23,9 милијарди долари),
– Јанг Хуијан од Кина, која поседува 57 отсто од акциите во фирамата за недвижнини Кантри гарден холдингс (22,1 милијарда долари),
– Сузан Клатен од Германија, сопственичка на 20 отсто од автомобилскиот гигант БМВ (21 милијарда долари).
Интересна приказна има Ву Јаџун која своевремено работела во фабрика за 16 долари месечно, а денес е најбогатата жена на светот која сама го создала своето богатство. Според најновата листа на „Форбс“, Ву располага со богатство од 9,4 милијарди долари, што доаѓа од компанијата за недвижнини „Лонгфор пропертис“, која во 2017 година имала приход од 10,7 милијарди долари. Во ноември, Ву се повлече од функцијата претседател на компанијата и ги предаде своите акции на ќерка ѝ.