ОВА БИ МОЖЕЛО ДА БИДЕ РЕВОЛУЦИОНЕРНО ОТКРИТИЕ: Канадска компанија тестира спреј против коронавирусот
Објавено во: Свет 13 Април, 2021
Канадска компанија SaNOtize разви спреј за нос кој, како што тврдат, го убива вирусот во горниот респираторен систем и спречува да се спушти кон белите дробови.
Според странските медиуми, спрејот бил тестиран во лабораториите во Америка и Велика Британија и покажал ефикасност од 99,99 проценти, пишува Блиц Жена.рс.
Кај пациенти третирани со овој спреј, беше забележано во првите 24 часа по примената на спрејот дека се убиени 95 отсто од честичките на вирусот. За 72 часа од апликацијата, 99 проценти од честичките беа убиени.Тоа значи, тврдат од оваа компанија, дека овој спреј може ефикасно да спречи пренесување на вирусот и дека може да го скрати заболувањето на оние кои се веќе заразени.
Д-р Стивен Винчестер, кој го водеше истражувањето на овој спреј во Велика Британија, за „The Sun“ вели дека „очекува дека ова ќе биде голем чекор напред во борбата против вирусот и дека ова може да биде револуционерно откритие“.