ОТКРИЕН ГОЛЕМ РУСКИ ГРАБЕЖ?! Украина оштетена за неколку милијарди долари, НАСА ги има докази
Објавено во: Свет 04 Декември, 2022
Американската вселенска агенција (НАСА) наводно успеала да ја разоткрие големата измама и грабеж на Русија во Украина.
Американската вселенска агенција (НАСА) наводно успеала да разоткрие голема руска измама и грабеж во Украина, пренесува германската агенција „Дпа“. Сè, наводно, се случило во првите месеци по почетокот на војната во Украина на 24 февруари 2022 година. Украина немаше пристап до околу 22 отсто од житото во источниот дел на својата земја поради тековната војна.
„НАСА Жетва“, програма за безбедност на храна и земјоделство на американската вселенска агенција, откри дека околу 5,8 милиони тони пченица биле собрани на полиња во области кои „не се под контрола на државата Украина“. „НАСА Жетва“ користеше сателитски податоци во соработка со повеќе партнерски институции. На територијата на Украина годинава се собрани вкупно 26,6 милиони тони пченица, што е многукратно повеќе од минатогодишните предвидувања. Ова го изјавија научниците кои беа вклучени во истражувачкиот проект. Неожнеаното жито најчесто се наоѓа на полињата во близина на линијата на фронтот.
Иако ова е намалено од минатогодишниот рекорд од 33 милиони тони, обемот е сè уште блиску до петгодишниот просек од 27,9 милиони тони.
„Вкупно 88 отсто од минатогодишните зимски култури беа собрани во области кои не се под контрола на Украина“, велат од НАСА.