ОТКАКО МАКЕДОНИЈА И АЛБАНИЈА НЕ ДОБИЈА ДАТУМ: Разочарување во две земји од регионот

Добивај вести на Viber

По одлуката на францускиот претседател, Емануел Макрон да стави вето на одлуката за почеток на преговори со Европската Унија за Македонија и Албанија, разочарување има  во Сараево и во Белград.

Со разочарување е примена одлуката од Самитот на европските лидери во Брисел да не се отпочнат преговрите за проширување со Северна Македонија и Албанија, во Босна и Херцеговина која тропа на истата порта и Србија која е веќе во преговарачки процес. Со писмо до лидерите на ЕУ се огласи претседателот на Претседателството на БиХ Жељко Комшиќ. Тој напиша дека блокирањето на пристапните преговори за Скопје и Тирана ќе испрати „погрешна порака“ до Сараево: „Работата и тешките одлуки што ќе ги донесеме, едноставно не го произведуваат очекуваниот резултат“. Според него оваа одлука ќе го зголеми и евроскептицизмот во регионот.

Учесниците на белградскиот Форум за безбедност (БСФ) предупредија дека новото одложување ќе биде лош сигнал за целиот регион Западен Балкан. 

Вели дека ако не постои веќе консензус за европската иднина на Западниот Балкан, ако ветувањето од Солун во 2003 повеќе не важи, граѓаните заслужуваат да знаат.