Добивај вести на Viber
Директорот на Претпријатието за стопанисување со станбен и деловен простор денеска даде отчет за сработеното во последната година, односно од јуни 2011 до јули 2012 година.
Како што информираше, во овој период почнати се и изградени 18 згради, од кои три социјални и 15 комерцијални, односно изградени се 330 комерцијални и 220 социјални станови. Тој истакна дека и понатаму ќе се градат социјалнни станови, а се планира 10% од зградите кои што се наменети за комерцијална продажба, да бидат дадени на децата без родители кои излегуваат од домовите.
Во делот на изградбата на катните гаражи, тој соопшти дека гаражата од „Мал ринг“ кај МЕПСО се реализира според предвидената динамика, а кај Работнички имало мало задоцнување од оправдани причини. Изградбата на третата катна гаража кај Музејот на Холокаустот била на почеток.
За арената „Филип Втори“ тој појасни дека досега се искористени 38 % од предвидените средства и таа е ставена во функција да се одржуваат натпревари. Демантирајќи написи во медиумите, рече дека нема зголемување на првично утврдената цена и дека потпишаните анекси се однесуваат на работи што се појавиле во тек на реализација на проектот. Притоа направи и споредба на цената на чинење на арената „Филип Втори“ и на европските стадиони, каде дека едно столче на лондонски „Вембли“ чинело 13.000 евра арената, додека на „Филип Втори“ само 1.049 евра. Договорот за изградба на арената „Филип Втори“ изнесува 62 милиони евра, рече Грозданов.