ОСВЕН МАРКЕТИ ЗА ХРАНА, АПТЕКИ И ПУМПИ, СЕ ДРУГО ЌЕ РАБОТИ САМО ДО 17 ЧАСОТ - еве што предложи српскиот кризен штаб
Објавено во: Балкан 21 Ноември, 2020
Имунологот и член на кризниот штаб Срѓа Јанковиќ изјави денес дека медицинскиот дел од Кризниот штаб и предложил на Владата сите установи, освен продавниците за храна, аптеките и пумпите, да работат до 17 часот.
Во утринската програма на РТС, Јанковиќ рече дека е потребно зајакнување на мерките, пред сè, кога станува збор за објекти кои „не се итна потреба“. „Имаме уверувања дека мерките ќе бидат целосно усвоени како што е предложено“, рече Јанковиќ. Тој додаде дека е потребно овие мерки да стапат во сила што е можно поскоро бидејќи, како што истакна, „станува збор за часови, а не за денови“.
Според него, мерките мора да се спроведат безрезервно, за состојбата да не биде полоша.
Исто така, беше предложено да се носат маски во сите ситуации каде што може да се појави меѓучовечки контакт, дури и на отворено, каде што луѓето не можат да избегнат контакт едни со други. „Еден дел од нас размислуваше да напишеме препорака маските да се носат секогаш и секаде, но преовлада разумот затоа што не би имало смисла некој да носи маска и да оди сам покрај реката“, истакна имунологот.
Тој смета дека казната за непочитување на мерките е на државните органи, а не на лекарите и кризните штабови. Јанковиќ посочува дека многу повеќе се зборува за полициски час меѓу луѓето и додава дека Кризниот штаб не размислувал за такво нешто.
„Во овој момент, тоа не е наменска мерка, доколку овие мерки бидат спроведени, приказната за забраните за движење ќе биде непотребна. Предлагаме луѓето да избегнуваат ситуации кога можат да бидат во контакт“, спомена Јанковиќ. Тој апелираше до граѓаните да се придржуваат кон мерките при збогувањето со патријархот Иринеј.
„Бакнувањето на верниците е важно, но важна е и заштитата на животот и здравјето и сигурен сум дека најдобро ќе им оддадеме почит со тоа што ќе го заштитиме здравјето на нашите најблиски“, истакна член на Кризниот штаб.