Осум милиони евра од НЛБ Банка и ЕБОР за нови кредити за граѓаните и фирмите

Добивај вести на Viber

Домаќинствата и малите и средни претпријатија се идните корисници на поволни кредии од НЛБ Банка која денеска потпиша договор со Европската банка за обнова и развој за две кредитни линии во вкупна вредност од осум милиони евра. 

Во финансискиот пакет впрочем има пет милиони евра кои ќе бидат за поддршка на малите и на средните претпријатија, а три милиони евра за домаќинствата за инвестиции во зелена енергија. 

Парите од програмата за конкурентност треба да се употребуваат за надградба на производствените капацитети, за заштита на околината, зголемување на безбедност и квалитет на производите, сигурност во работењето. Кредитната линија од три милиони евра пак е за финансирање на инвестиции во зелени технологии, материјали и решенија во станбени згради и домови во приватна сосптвеност. НЛБ Банка е четвртатата банка која се приклучи на оваа програма која е поддржана од Европската Унија, Австрија и Инвестициската програма за западен Балкан. 

Условите за кредитите ќе бидат објавени во текот на следните два дена. Генерално, кај правните лица периодот на отплата ќе биде пет години, со грејс период од една година. Каматните стапки ќе се движат од 3 до 5 проценти. Кај физичките лица ќе има два продукти – еден потрошувачки кредит до 10 илјади евра и еден станбен кредит до 50 илјади евра. За заедница за станари висината на кредитот ќе биде до 300 илјади евра. 

„Обезбедувањето на овој финансиски пакет е од особена важност за нашите клиенти затоа што ќе им се обезбеди полесен пристап до средства за финансирање на проекти за обновливите извори на енергија, остварување на енергетски заштеди и ќе ја збогатиме понудата на банката со нови кредитни продукти, изјави Антонио Аргир, претседател на Управниот одбор на НЛБ Банка.

Анди Аранитаси, претставник на ЕБОР за Македонија рече дека смета дека ова е еден од начини за издигнување на македонските компании.

Тој додаде дека се размислува и за уште една кредитна линија со која треба да се помогнат компаниите кои во Македонија беа погодени од кризата.

„Програмата за финансирање на зелената економија се фокусира на кредитирање на побарувачката за енергетска ефикасност од стана на граѓаните, која продолжува и во овие тешки времиња на предизвици, но ние остануваме да им бидеме на располагање на клиентите, рече Аранитаси.