Османи со фотка од Ахмети објави за шпанската ратификација

Добивај вести на Viber

Долниот дом на шпанското Собрание го ратификуваше Протоколот за членство на Македонија во НАТО, со 279 гласа „за“. Ова е прва фаза од процесот, а втората ќе финишира кога Сенатот на Шпанија ќе ја одобри ратификацијата по што Македонија и официјално ќе стане 30 земја членка на НАТО.

Информацијата ја објави и вицепремиерот Бујар Османи кој за радосната вест сподели и фотографија од лидерот на ДУИ, Али Ахмети.

Шпанија беше единствена земја која не гласаше за ратификација на Протоколот за членство на земјава во НАТО, поради изборите кои таму се одржаа на крајот на минатата година. 

Инаку македонското Собрание на 11 февруари со 114 гласа „за“ го изгласа Законот за ратификација на Протоколот за членство на Северна Македонија во НАТО

Ратификацијата на Протоколот беше со одложено дејство и ќе стапи на сила откако протоколот ќе биде ратификуван и од шпанскиот Парламент. Шпанија е последната од 29 земји членки на Алијансата која требаше да го ратификува протоколот. 

Завршена е првата фаза на ратификување на нато протоколите во собранието на Шпанија! Долната просторија, со 279 гласа „за“, го ратификуваше протоколот за адери. Започнува втората фаза, во Сенатот на Шпанија, со која Република Северна Македонија дури станува и 30-та земја членка на НАТО.