Омикрон ги полни болниците во Јужна Африка, има три пати повеќе пациенти
Објавено во: Свет 30 Ноември, 2021
Сојот омикрон ги полни болниците во Јужна Африка, каде има три пати повеќе пациенти.
До 330 отсто повеќе граѓани на Јужноафриканската Република завршиле на болничко лекување во последните недели во провинцијата Гаутенг. Нешто помалку од 40 отсто од 12-те милиони жители на Гаутенг имале примено прва доза, а регионот го вклучува и главниот град Јоханесбург, пренесува Нет. Бројот скокнал од 120 на 580 хоспитализации, иако властите велат дека случаите со омикрон се од типот на лесен ковид.
И Јапонија го потврди првиот случај на зараза со омикрон, кај 30 годишен маж кој допатувал од Намибија. Омикрон варијантата е откриена во Холандија пред пристигнувањето на летовите од Јужна Африка минатата недела, објавија холандските здравствени власти. Овој сој го има во најмалку 14 држави во светот.Омикрон, новиот вид на коронавирусот, може да биде божикен подарок, ако навистина се покаже дека предизвикува поблага клиничка слика, тврди германскиот епидемиолог Карл Лаутербах.
foto freepik.com