Оливер Спасовски отиде во Центар Жупа и се пофали со социјалните мерки
Објавено во: Македонија 25 Јануари, 2020
Техничкиот премиер Оливер Спасовски има и партиски активности.
Денеска отиде во центар Жупа, каде се сретна со граѓаните од таа објаст, но и се пофали со социјалните достигнувања на Владата на која и припаѓа.
Тој вели дека како одговорна партија поставиле цели за извлекување од сиромаштија на најранливите групи општество, и за обезбедување повеќе пари во секое семејство.
„Денес, преку реформите со системот за социјална заштита, финансиската поддршка за 30.000 семејства е зголемена просечно за 300 отсто. Раст на просечната пензија која ќе изнесува 15.500 денари, што значи дека од доаѓањето на власт на СДСМ, просечната пензија се зголемува за 1.746 денари. Средствата за национална поддршка во земјоделството и руралниот развој од ИПАРД програмата за оваа година имаат реализација од 99 отсто“, напиша Спасовски на фејсбук.