Охриѓани се капат покрај рушевините на „Немо“: Без шанкови ни е поубаво
Објавено во: Македонија 02 Јули, 2020
На плажата „Немо“ во Охрид деновиве има луѓе, и покрај тоа што пред две недели беа целосно срушени шанковите, потпорните ѕидови, бетонските конструкции и останатата урбана опрема на плажата.
Доаѓаат главно охриѓани кои уживаат во неверојатно високата температура на езерото која не е својствена за почетокот на јули. Атмосферата на плажата е излетничка, луѓето ја користат со сопствени реквизити и не им пречи тоа што изгледа несредено и многу поразлично од лани. Тобоганот на кој секоја година му се радуваа најмладите, исто така не работи.
„Вака ни е поубаво, нема лежалки, нема гласна музика, а и сенките под дрвата се слободни, порано беа зафатени со масите и столчињата од кафулињата“, ни рече еден повозрасен охриѓанец.
„Немо“ или „Горица 3“ е една од најпопуларните охридски плажи. Цената за изнајмување лежалка варираше во текот на летотото. Од 150 на почетокот на сезоната, до 250 за време на Илинден кога Охрид е најполн.
Реквизитите на плажата беа срушени поради тоа што на закупците откако им истекла концесијата работеле на диво, па на основа на тоа Владата донесе Уредба тие да се вратат во првобитна состојба. (М.Џ.)
Можеби ќе ве интересира
СИЛЈАНОВСКА ДАВКОВА ЗА РУСКОТО ВЛИЈАНИЕ: Ако има политички актери некои, тие се маргинални
КРАДЕЊЕ НА ЛИЧНИ ПОДАТОЦИ ЗА ПОДИГАЊЕ НА БРЗИ КРЕДИТИ: Koлку пријави има годинава во полиција?
НАЈЧЕВСКА: Почнаа наддавањата на големите партии кој колку ќе им ги покачи пензиите на пензионерите
СТУДЕНО УТРО ВО МАКЕДОНИЈА: Каде се измерени температури под нулата?
НАПРАВИЛЕ ШТЕТА НА БУЏЕТОТ НА БОГДАНЦИ: Поднесена е кривична пријава против градоначалникот и вработена во урбанизам
ФАКТОР НА ДЕНОТ: Мицкоски повика на обединување, Апасиев е контра
ДКСК го усвои приговорот на Силјановска Давкова за прекршувањето на изборниот законик од страна на Академијата за судии и обвинители
БОШЊАЦИТЕ МУ ПОДНЕСОА КРИВИЧНА НА СТОИЉКОВИЌ: Велат го исмевал и негирал геноцидот во Сребреница
ОСМАНИ ОСТАНУВА НА СВОЈОТ СТАВ: Владата ќе одлучи за иднината на Отворен Балкан
