Одржана традиционалната Конференција за професионална ориентација на Ротари клубот Скопје- Камен мост, овој пат виртуелно
Објавено во: Мои пари 12 Мај, 2020
На 9 мај, виртуелно преку платформата ZOOM, како последица на пандемијата на Covid 19 вирусот, традиционално по 8ми пат, се одржа конференцијата за професионална ориентација на млади, оваа година под мотото "Мојата иднина, моја одлука”. Настанот беше во организација на Ротари клубот Скопје Камен Мост, во соработка со Меѓународното училиште НОВА, и имаше за цел да даде поддршка на младите и талентирани луѓе во остварување на нивниот целосен потенцијал, како и да помогне во изборот на нивна идна професионална кариера.
За времетраење на настанот членовите на Ротари клубот Скопје Камен Мост го споделија сопственото искуство од својата професија, а истото го сторија и неколку еминентни гости говорници, Никица Мојсоска, извршен директор на Македонија 2025, Александар Поповски, режисер, и Невенка Димитрова, професор на New York Medical College, со средношколците од цела Македонија. Овој традиционален настан, во изминативе осум години го имаат посетено повеќе од 900 средношколци од 25 средни училишта, и истиот преку прашалник го имаат оценето како успешен и извонредно корисен при носењето на одлука во која насока да го продолжат своето образование.
Членовите на Ротари Клубот Скопје – Камен Мост Скопје, како дел од Ротари движењето во Македонија, волонтираат со своето време, енергија и ресурси, со цел да помогнат на тие на кои помошта им е најпотребна. Активностите на клубот се насочени кон најмладите членови на нашата заедница, со посебен фокус на образовниот систем.
Пленарна сесија: https://youtu.be/sM1QHM4tOWc
Можеби ќе ве интересира
Инграм Микро: За ИТ професионалците денес е задолжително да инвестираат во својата експертиза и вештини со цел да останат конкурентни на пазарот
„Фактот што сме помеѓу 10-те финалисти на НЛБ проектот „Рамка за помош“, става печат за тоа дека сме вистински општествено одговорна компанија“: Георги Михаилов основач на платформата Разговор.мк
МАРТИН И ДАРКО ШАМПИОНИ ПО ДОБИВКИ НА 2win.мк ЗА ИЗМИНАТАТА НЕДЕЛА
Култниот знак „СКОПСКО“ на Ристиќева добива нов лик
Со спектакуларна забава Grand Casino Admiral ги отвори вратите за љубителите на игри на среќа
Глобална средба на HR тимот на Костал во Охрид: Успешното менаџирање со човечките ресурси се најголемиот предизвик на компаниите во светот
Оливера Зуловиќ, авторка на романот „Прирачник за солиден живот“: Би сакала денес да има повеќе деца како Љубо и Љубица, кои ќе реагираат на неправдите!
Халкбанк денеска го одбележува Светскиот ден на планетата Земја со две работилници на Школка во Градски парк
Врвна прецизност и динамика: претставен новиот Cayenne GTS
