Одговорните тврдат нема место за паника по инцидентот во Охис, се бара одговорност од фирмата
Објавено во: Економија 09 Ноември, 2019
Нема место за паника а состојбата во фабриката е под целосна контрола. Ова се последните информации од Министерството за животна средина и просторно планирање согласно последните информации добиени од надлежните инспекциски служби а поврзани со инцидентот кој се случи во Охис.
-Состојбата во Охис е целосно под контрола и нема место за паника. Имено, излевање на вода при перење на празна цистерна поради пукање на вентил се случило во бетонска када чија функција е безбедносна токму при вакви случаеви. Во моментов излеаната течност е целосно собрана, а кадата е покриена со пилевина за да се соберат евентуалните остатоци од течноста-соопштија од МЖСПП.
Како што информираа од министерството пилевината ќе биде собрана и во текот на денешниот ден и соодветно, безбедно одстранета во специјални буриња за таква намена.
Од одговорната фирма „Екоцентар 97“ пак за 24 вести рекле дека отпадот кој истекол во ОХИС е веќе собран, нема опасност и нема повредени.
Надзорот на локацијата ќе продолжува и денеска.
Од друга страна пак граѓанските иницијативи за заштита на животната средина бараат одговорност од фирмата .
О2 иницијативата смета дека граѓаните не треба да се тие кои треба да пријават хаварија која инволвира опасен отпад, токсични хемикалии, зошто ги гледаат, чувствуваат последиците од неа.
„Очекуваме највисока казна за одговорната фирма „Екоцентар 97“, една за хаваријата, втора за непријавување и непостапување според протокол и кривична пријава. Воедно и проверка на начинот на кој работат“ - реагираат од О2 иницијатива.
Можеби ќе ве интересира
ПОТРЕБНИ СЕ ПОВЕЌЕ ПАРИ ЗА ЖИВОТ: Минималната кошничка за април достигна 1.000 евра
ГЕРМАНСКИ СИНЏИР ГИ ОТВОРА СВОИТЕ ПРВИ СУПЕРМАРКЕТИ ВО СРБИЈА - еве каде сѐ ги има и каква храна ќе се продава
„Лесно е да креирате политика со 2.500 евра, тешко е да преживеете со 22.500 денари“: Трендафилов - ќе бараме зголемување на минималната плата
Ангелоски: Кога ќе прогласите неработен ден во среда, негативно сте ја решиле цела недела
Пазарен и трудов инспекторат утре ќе контролираат кој работи
ДВЕ ДАМИ ДА ВЛЕЗАТ ВО ОДБОРОТ НА ДИРЕКТОРИ НА „ЕВРОПА“ - предлог на акционер од фабриката за чоколади
КОЈ ПЛАТИ 93 ИЛЈАДИ ЕВРА ЗА 55 АКЦИИ - „Реплек“ станува сѐ поинтересен за инвеститорите
КОЈ ЗАРАБОТИ 1,5 МИЛИОНИ ЕВРА ОД ИЗВОЗ НА ЈАГНЕШКО ЗА КАТОЛИЧКИ ВЕЛИГДЕН? Целиот извоз бил пласиран во Хрватска
