03 Август, 2021
0.0208

ОД СКОПЈЕ ДО ГОСТИВАР И ОД ПРИЛЕП ДО МАКЕДОНСКИ БРОД: Лекари живеат во еден, а работат во друг град

Објавено во: Економија 18 Мај, 2021

Во Македонија дел од лекарите патуваат  и по 60 километри за да стигнат на работното место во соседниот град.

Како и сите останати, и тие не секогаш успеваат да се вработат во местото каде живеат, па мораат да патуваат до друг град за да си обезбедат егзистенција. Лекарите сами ги покриваат трошоците за пат, кои и не се така мали за македонски услови.  Д-р Лидија Чолакова-Дервишова, претседателка на Здружението на приватни лекари на Република Македонија (ЗПЛРМ) објаснува дека порано имало повеќе лекари кои функционирале на ваков начин, но сега бројката е намалена поради одливот во странство.

„Има такви моменти кога матичен доктор живее на едно место, а работи во друг град и оваа појава не е ретка. Борбата да се дојде до свое место под сонцето е тешка. Имаме докторка од Охрид работи во Струга, докторка од Скопје работи во Гостивар, од Прилеп во Македонски Брод, доктор од Велес работи во Градско и секојдневно патуваат. Бројот на вакви случаи беше поголем, но голем дел од тие доктори или заминаа од државата или си бараат работа во јавно здравство, каде некој друг ти обезбедува превоз и трошоци за превоз. Долги години никој не прифаќа суштински барања на матичните доктори“, вели Чолакова Дервишова.

Лекарите сметаат дека во иднина младите нема да сакаат да го работат истото, туку ќе бегаат во странство, каде условите се подобри, а платите повисоки.

„Веќе 15 години патувам од Велес до Градско. Прво патував комбинирано, а сега поради пандемијата тоа е невозможно и одам со сопствено возило на работа. Во два правци дневно поминувам околу 60 километри. Со комбиња патувањето е малку покомплицирано, затоа што превозот не доаѓа кога ќе завршам со работа, туку мора да се чека, се губи време“, раскажува доктор Тодор Кичуков.

Феризад Хаџиреџа од Дебар, вели дека порано работела во рурални средини, но сега кога е при крај на кариерата и не би прифатила такво нешто.

„Сум работела во селото Могорче. Натаму патував со автомобил, а за назад пеш до главниот пат и оттука со комбе се враќав во Дебар. Беше тешко навистина. Работата не е проблем, работата е иста и во градот и во селото, но проблем е патувањето“, рече таа.

Додава дека и денес има лекари кои од Дебар патуваат на работа во околните села или во соседен град. Доктор Ајредин Камиловски од  Могорче, работел во Дебар, но извесно време поминал и во селото Ростуше.

„Секако дека е најдобро да се работи во местото на живеење, но доколку треба да се работи во друго населено место, секој лекар треба да си направи пресметка дали тоа ќе биде исплатливо“, вели Камиловски.

Иако Могорче е неговото постојано место на живеење, сега престојува и работи во селото Новак во Центар Жупа, инаку вели дека да се патува секој ден не е исплатливо.

Сања Атанасовска

foto freepik

Можеби ќе ве интересира

До сега собрани 6,5 милиони евра од регистрација на возила со бугарски таблички

До сега собрани 6,5 милиони евра од регистрација на возила со бугарски таблички

ЦРНA ГОРА ИМА 58 МИЛИОНЕРИ! Најбогатиот од нив чува неверојатна сума пари во банка!

ЦРНA ГОРА ИМА 58 МИЛИОНЕРИ! Најбогатиот од нив чува неверојатна сума пари во банка!

Македонија, Србија и Албанија ќе имаат заедничка поштенска марка, но и една цена за услугите на пратки?

Македонија, Србија и Албанија ќе имаат заедничка поштенска марка, но и една цена за услугите на пратки?

Поради зголемувањето на јавниот ќе дојде време да не може да ги сервисираме долговите, смета Никола Поповски

Поради зголемувањето на јавниот ќе дојде време да не може да ги сервисираме долговите, смета Никола Поповски

Горан Трајановски ќе го пробива Телеком Србија на македонскиот пазар

Горан Трајановски ќе го пробива Телеком Србија на македонскиот пазар

„Фактор“ рангира: Колку пари прават најголемите компании чии акции се тргуваат на берзата?

„Фактор“ рангира: Колку пари прават најголемите компании чии акции се тргуваат на берзата?

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот

Како „Макстил“ доби крилја? Профитот порасна за шест пати во споредба со лани!

Како „Макстил“ доби крилја? Профитот порасна за шест пати во споредба со лани!

На два месеци од отворањето на Ист Гејт Мол: Кои познати светски брендови доаѓаат во Македонија, освен H&M, Зара Хоум и Лидл?

На два месеци од отворањето на Ист Гејт Мол: Кои познати светски брендови доаѓаат во Македонија, освен H&M, Зара Хоум и Лидл?