Од ОК на ВМРО-ДПМНЕ Струга бараат Исмајлоска Старова да го врати мандатот
Објавено во: Македонија 21 Октомври, 2018
Претседателот на ОК на ВМРО ДПМНЕ Струга, Мирче Аџиоски, ја повика пратеничката Нола Исмајлоска Старова, која гласаше за уставните измени, да го врати мандатот, како што рече, затоа што 7700 стружани кои гласаа на предходните парламентарни избори не ѝ дале легитимитет да гласа за промена на Уставот и името на Република Македонија, објави ohridnews.com.
„Според тоа, ОК на ВМРО-ДПМНЕ од Струга, по предлог на ИК на партијата, едногласно донесе одлука за поведување дисциплинска постапка-исклучување од партија на Нола Исмајлоска-Старова, која гласаше спротивно од партискиот став, но пред сè, спротивно на волјата на граѓаните на Република Македонија“, вели Аџиоски.