Обвинителството ќе истражува што нарачувал Богоевски и кој го снимил

Добивај вести на Viber

Oбвинителство побарало МВР да го утврди идентитет на сопственикот на профилот Илија Громовник кој ја објави снимката на пратеникот Павле Богоевски, а на која наводно се слуша како народниот избраник нарачува кокаин. 

Наредбите се издадени со цел да се преземе кривичен прогон, информираат од јавното обвинителството.

Основното јавно обвинителство Скопје го очекува известувањето од Министерството за внатрешни работи во врска со наводите кои ги пријавил пратеникот во полициска станица, со пропратна документација. Околу содржината на снимениот разговор ќе бидат направени проверки за да се утврди дали постојат елементи на сторено кривично дело. 

Пред два дена на социјалните мрежи беше објавена снимка за која објавувачот тврди дека се слуша како пратеникот нарачува кокаин. Богоевски на Фејсбук ја потврди автентичноста, но тврди дека нарачувал масло од канабис.

ВМРО-ДПМНЕ побара „метла“ за пратеникот од собраниските клупи. Тие сметаат дека по објавата на снимките Богоевски не е достен да ја врши пратеничката функција. Според нив, Богоевски од морални причини требал да си поднесе оставка.