Обвинителство ќе „чешла“ дали Муса земал навистина мито
Објавено во: Македонија 16 Октомври, 2019
Ќе се утврди ли кривична одговорност кај заменик министерот Асим Муса по скандалот за кој слушнаа дури и соседите. Ова ќе се знае по истрагата која ја најави ОЈО од Струга кое ќе го истражува случајот.
Ќе се бараат и оригиналните снимки од соседна Албанија да се дознае кој е авторот на снимката а Муса ќе биде викнат и на распит.
Од друга страна Муса, тврди дека му е подметната замка.
Имнео, Асим Муса е снимен како договора мито за една хируршка интервенција.
Снимката беше емитувана на албанската телевизија Топ ченел во која Муса договара со пациент од Албанија оперативен зафат во една болница во Струга, а за тоа , за возврат наводно барал 1000 евра.
Муса откако се правдаше пред јавноста, најави и дека се повлекува од функцијата со што поднесе оставка.
Земањето мито наиде на осуди од страна на министерот Венко Филипче.
Тој посочи дека тоа не е начин да функционира било кој систем, па дури ни нашиот. Секаде постојат санкции за вакви постапки. Се обидуваме да ги стимулираме лекарите, преку зголемување на платите, рече Филипче коментирајќи го објавеното видео со неговиот заменик.