29 Март, 2024
0.0272

ОБРАЗОВАНИЕ ИЛИ ЗДРАВЈЕ: Властите до чекор на одлуката учениците да останат дома на 1.септември

Објавено во: Македонија 12 Август, 2020

Добивај вести на Viber

Лавина од реакции на родителите по помалку прикриената најава на здравствените власти дека од 1.септември наставата, целиот образовен процес ќе започне од далечина, а само првачињата ќе седнат во училишните клупи. Родителите се бесни зошто, како што велат, имаше многу време, целиот образовен процес да биде безбедно организиран за да почнат децата да одат во училиште.

-Ако сиве овие месеци, а имаа од март до август, се размислуваше за решенија, до сега ќе најдеа решение децата од 1.септември да почнат да одат во школо. А, што направи МОН? Прво излезе со некаква студија за рганизирање онлај настава. Значи треба да се разбере дека овие ученици, никогаш, ама никогаш нема да го постигнат загубеното. Тоа ќе бидат страшни пропусти за во новната понатамошна едукација, велат револтирани родители на средношколци од Скопје.

Остри реакции упатуваат заради лошиот начин на организирана онлај настава, нагласувајќи дека на прсти може да се избројат наставници кои знаат како тоа треба да се изведува. Велат дека се додека има таков начин на настава, просветните работници, учителите, наставниците, професорите во средните училишта треба да земаат само една третина од платата.  

-Не може за седење дома и само испраќање материјали на е-мејл да ја земаат платата. Заборавија каде се наоѓаат училиштата, ова навистина нема никаква смисла, остро потенцираат родителите.

Од друга страна, од Комисијата за заразни болести за Фактор нагласуваат дека во моментов епидемиолошката состојба во Македонија наложува наставата да почне да се одвива од далечина. На нашето прашање, дали ова е целосно ретерирање од нивниот досега цврст став дека учениците мора да седнат во школските клупи, ни одговорија:

-Е сега образование или здравје. Најсигурно е учениците да почнат со онлајн настава, па ќе видиме. Може ќе предложиме од октомври да се почне да се оди во училиште, може во ноември, засега не можеме да бидеме сигурни каква ќе биде состојбата. Сметаме дека образованието може да се надокнади, но не смееме да дозволиме каков било ризик по здравјето на децата, истакна за Фактор епидемиологот д-р. Александар Стојанов, член на Комисијата за заразни болести.  

 Инаку, како што претходно пишуваше Фактор, во училишните клупи на 1.септември ќе седнат најмалите. Ова вчера го потврди и министерот за здравство Венко Филипче.

„Став на комисијата за заразни болести е наставата да почне да се одвива онлајн, освен во првите одделенија во коишто е неопходно физичко присуство на децата. Во оваа ситуација стравуваме дека транспортот од и до училиште, комуникацијата на децата на одморите, за време на влез во училиштето, во заедничките простории, во ходниците, во оваа ситуација, во есен во која едноставно не знаеме со што се соочуваме, што може да нѐ чека, не само ние, ниту една земја во Европа, ќе биде многу ризично да дозволиме децата да се вратат без никакво огрраничување во затворена просторија. Овој став јас го презентирав на седницата на Владата. Со дефинитивен став и заклучок, имајќи ги предвид сите аспекти од Министерството за образование и наука верувам дека Владата ќе заземе дефинитивен заклучок во следните неколку дена, нагласи министерот Филипче.

Анита Буховски

Можеби ќе ве интересира

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

ДУДУШ КАЖА ДЕКА ГО ИЗБРКАЛЕ ОД СДСМ: Го пофали Ахмети и го нарече татко на нацијата

На Бујар Османи му е предложено да се кандидира за генерален секретар на НАТО?

На Бујар Османи му е предложено да се кандидира за генерален секретар на НАТО?