29 Март, 2024
0.0296

Нови вработувања во државниот апарат. До кога ќе издржи Буџетот?

Објавено во: Економија 11 Април, 2013

Добивај вести на Viber

Наспроти критиките на експертската јавност за гломазната и превработена администрација, Владата најави нови 1.600 вработувања во јавниот сектор, кои ќе се реализираат веќе од следниот месец.  Новите вработувања кои ги вети премиерот се најавени како помош за најранливите категории граѓани во услови на економска криза, иако во сите држави намалувањето на администрацијата е единствениот одговор на кризата.   Премиерот Груевски најави дека ќе се вработуваат социјално ранливи категории, но услов за конкурирање нема да биде стручноста или квалификуваноста, туку социјалниот момент: ако се долгорочно невработени ако доаѓаат од семејства каде нема ниту еден вработен и сл. На кои места ќе бидат поставени идните државни службеници се уште е непознато, се потенцира дека вработувања ќе има во секторите каде што има потреба. За сега, официјалната бројка е дека јавната администрација во земјава брои вкупно 118 илјади вработени. Ако се земат предвид бројките од Буџетот според кои за еден вработен годишно државата троши 8.000 евра, тоа значи дека речиси една милијарда евра народни пари секоја година се трошат за да се финансира администрацијата, а оваа сума сега ќе се зголеми бидејќи Владата најави дека новите вработувања ќе повлечат близу 8 милиони евра од Буџетот на годишно ниво. Но, ваквата мерка не е новина ако се знае дека и во јуни минатата година, Владата најави вработување на 2.000 лица на одредено време во општини кои што имаат висока стапка на невработеност. Мерката беше најавена како антикризна, иако дел од експертската јавност ја прогласи како предизборна програма во пресрет на локалните избори. И додека од година во година вработувањата на државна сметка постојано се зголемуваат, наместо да се размислува за нивно стопирање, огласи за работа во државната и јавната администрација постојано се објавуваат. За ваквата политика на Владата, експертите веќе предупредија дека доколку не се застане со вработувањата, Македонија ќе може да се соочи со банкрот. Светската банка пак, во својот последен извештај констатираше дека во земјава вработувањата се случуваат само во јавниот сектор, но нема отварање работни места во приватниот сектор, кои всушност најмногу влијаат на растот на вработеноста. Речиси половина од државната каса и годинава ќе се троши за плати на администрацијата и за исплата на пензии и социјална помош. 2,7 милијарди евра изнесува буџетот за 2013 година. Вкупните приходи во предлог буџетот за 2013 година изнесуваат 2,4 милијарди евра. Буџетскиот минус е продлабочен на 3,5% и ќе се покрива со задолжувањата дома и надвор кај странските деловни банки. С.Н

Можеби ќе ве интересира

Во што „Стопанска банка Скопје“ вложи 40 милиони евра? Се спрема кредитна офанзива!

Во што „Стопанска банка Скопје“ вложи 40 милиони евра? Се спрема кредитна офанзива!

Фокус во Кина: Европските претпријатија гледаат на можностите за инвестирање во кинескиот Хубеи

Фокус во Кина: Европските претпријатија гледаат на можностите за инвестирање во кинескиот Хубеи

ДУИ со експанзија во угостителството

ДУИ со експанзија во угостителството

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?