Нови СУПЕР лебови за СУПЕР навики од Жито Лукс

Добивај вести на Viber

Жито Лукс на пазарот лансираше нова категорија на лебови со висока нутритивна вредност. Користејќи супер состојки (познати како super foods) како што се чија, тиква, спелта, овес, хељда и амарант, понуден е асортиман од 3 нови лебови кои се вистински избор за избалансирана и здрава исхрана. Правени по едноставна рецептура која во својата основа има исклучиво 100% целозрнести состојки, новите лебови дополнително се збогатени со супер  семки, зрна, житарки  и маслиново масло за уникатно богат вкус.

„Правилниот начин на исхрана станува се поприоритетенво исхраната на граѓаните. Затоа Жито Лукс постојано пласира нови иновативни производи, со кои ги следи најновите трендови во исхраната, стремејќи се да обезбеди здрав оброк кој истовремено ќе има и одличен вкус. Направени по уникатна рецепура, со минимално процесирани состојки, новите лебови содржат природни и здрави супер состојки, а истовремено не содржат, конзерванси, вештачки бои, додадени шеќери и палмино масло. Различни по форма и структура од сите останати во нашиот асортиман, новите лебови во вистинска смисла на зборот претставуваат супер лебови за супер навики“,вели Лидија Трајковска Ристовска, маркетинг менаџер во Жито Лукс.

Интегралниот леб со супер семки - чија и тиква претставува одлична комбинација за избалансиран појадок бидејќи чијата претставува богат извор на омега 3 киселини, антиоксиданси и растителни влакна, а семките од тиква се богати со протеини, диететски влакна, минерали, поли-незаситени масни киселини и фитостероли.

Интегралниот леб со супер житарки -  е направен  со и’зртена спелта и овес. И’зртената спелта  му дава посебна  карактеристика бидејќи за разлика од обичната пченица, таа е побогата со протеини со висока биолошка вредност, а содржи и повеќе минерали.  И’зртениот овес содржи значајна количина на квалитетни протеини, незаситени масникиселини, растителни влакна (бета-глукани), фенолни соединенија, со антиоксидативен карактер. Токму комбинацијата од овие „супер житарки“ го прават овој леб вистински избор за енергичен оброк.

Хељдата како природен извор на полифеноли, фитостероли, диететски влакна, витамини, минерали како и антиоксиданси и незаситени масни киселини, во комбинација со амарантот кој е извор на висококвалитетни протеини, го прават Интегралниот леб со супер зрна - хељда и амарант, совршен за здрава и вкусна исхрана.