НЛБ Банка: Вооружен грабеж се случи во експозитура во Чаир
Објавено во: Македонија 15 Април, 2019
Утринава во експозитурата Чаир на НЛБ Банка се случи вооружен грабеж.
Од банката соопштуваат дека клиентите кои се затекнале во таа експозитура и вработените на Банката се безбедни и во добра состојба.
„Во овој момент, Банката соработува со надлежните органи за најбрзо и ефикасно решавање на случајот.
Средствата на нашите клиенти се сигурни, бидејќи Банката има осигурување на целиот свој имот и средства“, додаваат од НЛБ Банка.
Меѓудругото, во соопштението до медиумите се нагласува дека паралено се работи со истражните органи на утврдување на висината од направената штета.