НЛБ Банка транспарентно објави! Колкава награда годишно ќе добива надворешен (т.е. независен) член на Надзорен одбор?
Објавено во: Финансии 02 Декември, 2024
Наградата за претседател на Надзорен одбор, кој не е вработен во банкарската групација, изнесува дополнителни 3.750 евра, а годишна награда за надворешен член во некој од одборите за именување, наградување или ревизија е 7.500 евра
Секој етаблиран професионалец ангажиран како надворешен член на Надзорниот одбор НЛБ Банка Скопје ќе добива 15.000 евра годишно награда за својот ангажман, одлучија акционерите на таа банка.
Надворешен член на Надзорен одбор е лице кое членува во органот за контрола на Управниот одбор, но не е вработено во македонската НЛБ Банка ниту пак работно е ангажирано во некоја од компаниите на банкарскиот холдинг на НЛБ.
Според тоа што како податок е достапно од веб страницата на Македонската берза единствен независен односно надворешен член на органот за контрола (т.е. Надозорниот одбор) е Зоран Јовановски македонскиот академски економист и заменик – претседател на Стопанската комора на Македонија. Неговата годишна награда од НЛБ Банка започнувајќи од 1 јануари идната година ќе биде 15.000 евра.
Парите оваа банка ќе ги исплаќа на 12 еднакви месечни рати, стои во одлуката достапна на СЕИ НЕИ информативниот берзански систем достапна на следниот линк https://seinet.com.mk/document/70584
Одлуката на акционерите предвидува и дополнителна награда од 25 отсто односно 3.750 евра доколку надворешниот односно независниот член воедно е и претседател на Надзорниот одбор на НЛБ Банка.
Оваа одлука на акционерите на НЛБ Банка предвидува и исплата на 7.500 евра годишно за надворешни односно независни членови на Одборот за наградување, Одборот на именување и на Одборот за ревизија, тела кои учествуваат во процесите на одлучување интерно во раководната структура на НЛБ Банка Скопје.
Како што веќе пишувавме НЛБ Банка е една од трите најголеми деловни банки во Македонија, а заради нејзиното пазарно учество заедно со „Стопанска банка Скопје“ и „Комерцијална банка“ е позната и како една од трите системски банки.
Повеќе детали за најновите финансиски постигнувања на НЛБ Банка за првите девет месеци годинава се достапни на следниот линк https://faktor.mk/koja-e-dobitnata-kombinacija-shto-na-nlb-banka-i-donese-44-milioni-evra-profit-za-devet-meseci
Можеби ќе ве интересира
ГОДИНА ВО КОЈА МАКЕДОНЦИТЕ СЕ НАУЧИЈА ДА ШТЕДАТ ВО ДЕНАРИ, И ДОБРО ИМ Е - лани раст на граѓанските влогови во домашна валута за 634 милиони евра
КАКВО „ЗЛАТО“ БАРААТ ИНВЕСТИТОРИТЕ ВО КОМЕРЦИЈАЛНА БАНКА - со блокови и редовно вчера направен промет од над 700 илјади евра
ПРОСЕЧНАТА ПЛАТА СКОРО 42 ИЛЈАДИ ДЕНАРИ - еве кои сектори имаат повисоки плати, а каде се намалени
ПЛАТЕНИ СЕ 716 ИЛЈАДИ ЕВРА ЗА 1,17 ОТСТО ОД АКЦИИТЕ НА УНИ БАНКА - кој е купувачот во двата блока
ПАРА НА ПАРА ОДИ: Најбогатите станаа уште побогати, еве за колкава сума
ИНАУГУРАЦИЈАТА НА ТРАМП Е НАЈСКАПАТА ВО ИСТОРИЈАТА! Ги сруши сите рекорди, а овие три гиганти дадоа повеќе од милион долари
„ОПСТАНОК НА НАЈБОГАТИТЕ“: Оксфам утврди дека најтешките 1 процент приграбиле двојно повеќе богатство од остатокот од светот
Еве и официјално: Комерцијална банка ќе подели дивиденда! Колкава ќе биде?
КРИПТОВАЛУТАТА НА ТРАМП ПРЕДИЗВИКА НЕВИДЕН ИНТЕРЕС КАЈ ИНВЕСТИТОРИТЕ - вредноста нагло порасна за само еден ден
