НЛБ Банка: Не ги отворајте, испратени се лажни меилови со нашето лого
Објавено во: Економија 04 Октомври, 2019
Испратени се лажни е-маил пораки кои не треба да ги отворате, предупредува НЛБ банка. Оттаму алармираат дека непознати лица испраќаат лажни е-мaил пораки и дека некои од клиентите веќе ги добиле на своите адреси. Сепак станува збор за фалсификуван идентитет на НЛБ банка, а во маилот е искористено и логото на банката.
„Во текот на денот се испратени лажни е-меил пораки од страна на непознат испраќач кој фалсификувајќи го идентитетот на НЛБ Банка АД Скопје и користејќи го логото, се обидува да извлече доверливи податоци од целната група до која е испратен овој маил (притоа постои можност овие лажни пораки да содржат злонамерни малициозни датотеки како прилог). Одредени физички и правни лица (клиенти меѓутоа и лица кои не се клиенти на Банката) добиваат пораки од маил адресата e.cenva@nlb.mk
Од банката велат дека Банката се оградува од овие пораки и апелира до сите оние кои ќе добијат електронска порака да не го отвораат прилогот на пораките пристигнати од таа мeил адреса.
Во меѓувреме, известуваат оттаму Банката ги презема сите неопходни активности за справување со конкретната ситуација.