Њујорк тајмс: Фирма од Северна Македонија автомобил од социјализмот го модернизира во електрична ера
Објавено во: Македонија 20 Јуни, 2019
Во
престолнината на Северна Македонија, Скопје мал светло син автомобил од
минатите комунистички времиња е претворен во прв голем обид за производство на сопствено
електрично возило, пишува „Њујорк Тајмс“.
Идејата е на ББ Класик карс од Скопје, локална компанија која обновува стари автомобили и сега некои од старите автомобили ги претвара во автомобили на струја со помош на владиниот иновативен фонд, кој делумно има за цел да промовира позелени технологии.
„Њујорк Тајмс“ пишува дека компанијата од „Застава 750“,со замена на бензинскиот мотор со електричен мотор направиле Фиќо кое вози на струја.
Според директорот на ББ Класик карс, Милорад Китановски новата верзија е подобра од оригиналот. Моторот според Китановски има далеку поголем потенцијал за многу поголеми перформанси и поголема брзина.
Китановски вели дека цената засега за колата е 20.000 евра, а компанијата главно ги разгледува меѓународните купувачи.