Ниту една земја не доживеа втор бран, тврди дански епидемиолог
Објавено во: Свет, Корона Вирус 12 Мај, 2020
Каре Молбак, дански епидемиолог вели дека многу е мала веројатноста дека Данска ќе биде погодена од вториот бран на епидемијата на коронавирус.
Данска досега има 533 смртни случаи од коронавирус.
„Ниту една земја не доживеа втор бран. Некои земји доживеаја зголемување и намалување на заразата“, рече Каре Молбак на редовната дневна прес-конференција, пренесува Ројтерс.
Данска ја започна втората фаза на мерки за олеснување оваа недела, која вклучува отворање ресторани и трговски центри.
Здравствените власти ќе започнат и активно да ги следат лицата кои можеби биле во контакт со заразените и доколку е потребно, ќе ги стават во изолација во празни хотели.