Нишлијата кој го продаде стартапот за 165 милиони евра открива како да го разработите бизнисот

Добивај вести на Viber

Кога од бизлајф.рс. го запрашале за некој совет за бизнис, тој одговорил:

„Овде е присутен стравот од неуспех. Ние тоа го имаме како некоја карактеристика на работа, работа на „сигурност“. Нешто од типот: „што да пробам кога може да пропадне“. Овде (во САД) и неуспехот се почитува и некогаш дури и се слави, додека постоел максимален труд и чесен пристап на работа. Некои од најголемите лекции доаѓаат од неуспех, но е потребна и здрава доза на рефлексија (анализи што всушност се случило).

Можеби најважна разлика меѓу Србија и САД е во тоа што во Америка многу луѓе ќе ви помогнат без очекување да имаат било каква корист од тоа. Тоа овде се нарекува “pay it forward” принцип и е еден од основните принципи на функционирање на овој систем. Јас од Србија заминав пред 18 години, но ми се чини дека често владее принципот „а каде сум јас тука“. Работата се гледа како шанса да се „вгради процент“ што би рекол Рамбо Амадеус. Наместо во развој на производот и бизнис, многу време се поминува на кафе, ручеци и вечери каде се бара контакт со „влијателни“ играчи. И потоа многу луѓе чекаат да „забодат“ некој „deal“ на животот, наместо да градат бизнис низ брза интеграција и јасна метрика. Во Силициумската долина тоа генерално го нема. Секој е посветен на развој на некоја реална идеја, која навистина создава вредност. Јас би сакал Frame да постави стандарди за тоа како работите можат да се направат на вистински начин. Моја лична цел е да пренесам колку е можно тој дух во Србија, пред се на младата генерација која е отворена да го промени својот начин на размислување и побрзо да ја покрене земјата напред.

Кога се промени таа култура на работа за која сега зборував, работите ќе дојдат сами од себе. Кога сите луѓе ќе сфатат дека не е најдобар бизнис да чекаат на државна работа по партиска линија, или да се збогатат на некој проект кој е матен ....Сите кои работат било што со странство, дури и наједноставни работи преку Интернет за почеток, ќе имаат најголем бенефит и допирот со таа нивна култура. Голем проблем е заминувањето на младите од Србија, но и од соседните земји. Знам дека за тоа доста се зборува и дека има добра волја тоа да се реши, но засега нема никакви значајни промени на тој тренд. Ние тоа сакаме да го промениме, и од светот да ги доведеме луѓето во Србија, пред се, прво оние од наше потекло, но и вистински странци“.