Нина Ангеловска: Ребалансот на буџетот не беше поради недостиг на приходи
Објавено во: Економија 18 Октомври, 2019
Министерката за финансии Нина Ангеловска од Вашингтон порача дека ребалансот на буџетот не се направил поради недостиг на приходим туку поради реалокација на средствата, првенство како што вели таа, да се инвестира во човечкиот капитал во Македонија.
- Ребалансот е нормална алатка и се прави секоја година. Не се прави заради проблеми во наплатата. Приходната страна е одлична. Човечкиот капитал е една од темите, а ребалансот е во насока на мотивираноста на вработените, за финансиска поддршка на бизнисот., вели Ангеловска.
Таа заедно со гувернерката на Народната банка, Анита Ангеловска - Бежоска, учествуваат на годишните Есенски средби на ММФ и Светската банка во Вашингтон каде учествуваат највисоки претставници и експерти од 189 земји во светот.
Македонската економија е во добра кондиција и реални се очекувањата земјата да стаса до 3,5 отсто, вели Ангеловска.
- Светска банка го ревидира растот, овој пат на 3.2 отсто. Се бележи раст на извозот, на кредитирањето, на приватниот сектор, раст на градежништвото, инвестициската активност, потрошувачката. Македонската економија се движи во добра насока. На крајот очекуваме растот да достигне до 3,5 колку што се проекциите на Министерството за финансии и Народна банка. Растот на извозот кон Германија е зголемен за 20 отсто. Флексибилни сме како мала аекономија во применувањето на мерките, порача Ангеловска.
Членството на НАТО, како што вели таа, ќе донесе зголемување на невработениоста, раст на БДП, извозната активност, странски директни инвестиции.
- Тоа значи поволна околина за инвестирање. Сите реформи што ги правиме ги правиме за нас, не само за да задоволиме критериуми, додаде таа.