20 Ноември, 2019
0.0174

Нина Ангеловска: Капиталните инвестиции следната година нема да бидат надувани

Објавено во: Економија 08 Ноември, 2019

Нина Ангеловска, министерката за финансии, синоќа во своето гостување во емисијата „Што не е јасно?“ на ТВ Алфа рече дека за следната година нема да се проектираат високи суми за капитални инвестиции во буџетот за 2020, откако овие јавни трошења завршија неславно во 2019 и 2018 со ребаланс поради нискиот процент на реализација, па парите мораше да се прераспределуваат за други намени.

„Проектирањето на капиталните инвестиции ќе биде ненадувано, реално за следната година“, рече Ангеловска, најавувајќи ја новата методологија за проектирање на капиталните инвестции со што истите ќе се претстават со помали суми со цел процентот на реализација да биде прикажан како повисок.

Според последните податоци објавени на страната на Министерството за финансии, заклучно со септември годинава се реализирале само 37,64 проценти од планираните инвестиции. Или, додека за капитални расходи од буџетот се издвоени 369.208.020 евра, се потрошиле 138.955.547 евра.

Бројките се разочарувачки иако се знае дека капиталните расходи или капитални инвестиции, се оние расходи на буџетските корисници наменети за трајни добра, како патишта, училишта, болници, водоводи, студентски домови, спортски објекти, апарати за здравството, опрема хардвер, софтвер …

Ангеловска во телевизиското студио наведе дека не може да се надомести штетата и да се вратат 12-те милиони евра од наплатениот прогресивен данок пред да биде замрзнат, како што бара опозицијата, затоа што по тој принцип тогаш државата треба да се враќа на штетата од други минати закони и одлуки. 

Министерката не сака да дава прогнози колкав ќе биде буџетот за 2020 пред да биде усвоен на владина седница, напоменувајќи дека мерките за субвенции за платите и за социјалните реформи се предвидени за седната година и дека тој е ликвиден и може да го издржи тоа. 




Можеби ќе ве интересира

Сашо Димитријоски „преживеа“ како директор на АЕК

Сашо Димитријоски „преживеа“ како директор на АЕК

НАТО, НИЕ И 5Г ТЕХНОЛОГИЈАТА - како Македонија ќе се справи со предизвикот

НАТО, НИЕ И 5Г ТЕХНОЛОГИЈАТА - како Македонија ќе се справи со предизвикот

Гошев: Oвој буџет нема приоритети

Гошев: Oвој буџет нема приоритети

Власта очекува невработеноста идната година да падне на 16 отсто

Власта очекува невработеноста идната година да падне на 16 отсто

Колку пари ќе се потрошат за реконструкција на патишта во 80 општини?

Колку пари ќе се потрошат за реконструкција на патишта во 80 општини?

НОВИНА ВО ЗAКОНОТ: Се укинува сметко-потврдата како задолжителен документ

НОВИНА ВО ЗAКОНОТ: Се укинува сметко-потврдата како задолжителен документ

ПЛАТИТЕ ПОРАСНАЛЕ: Најмногу заработуваат програмерите

ПЛАТИТЕ ПОРАСНАЛЕ: Најмногу заработуваат програмерите

Бизнисмените и Владата ќе креираат амбиент за поддршка на иновативни концепти, решенија и технологии

Бизнисмените и Владата ќе креираат амбиент за поддршка на иновативни концепти, решенија и технологии

Во земјава 12 отсто граѓани немаат ниту за храна

Во земјава 12 отсто граѓани немаат ниту за храна