Нина Ангеловска најави даночен календар

Добивај вести на Viber

Министерката за финансии, Нина Ангеловска, најави воведување даночен календар со кој фирмите многу порано, односно шест месеци однапред ќе ги знаат промените во даночната политика.  Станува збор за барањето на Стопанската комора на Македонија ореку претседателот на Комората Бранко Азески и членките.

-Знаете дека доаѓам од приватниот сектор и цврсто верувам дека за да креираме политики за подобра бизнис околина, треба да дискутираме за нив со реалниот сектор. Во таа насока, ќе ги разгледаме сите предлози на бизнис секторот. Еден од предлозите кои Стопанската комора го има и за која можам да кажам дека лично имам воља да се залагаме е воведување на даночниот календар. Тоа значи предвидлива околина за бизнисот, стабилност за да може да знаат да ги планираат однапред своите активности, да не може да се прават нагли промени кои ќе влијаат на планирањето на фирмите за догодина. Тоа значи шест месеци однапред да му дадеме време на бизнис секторот да се подготви за измените и да испланира за следниот период - рече Ангеловска.

Ангеловска истакна и дека посебен фокус ќе се даде  на борбата против сивата економија како што е мерката МојДДВ и дека во моментов заедно со Управата за јавни приходи се работи на нови промени. 

- Фокус ќе биде да се опфатат да се внесат во системот, оние 20-40% субјекти за кои се смета дека се во сива економија. Тоа ќе биде фокус на Министерството за финансии да го адресира преку различни мерки.Сивата економија не е само во пазарот на труд, туку има во електронската трговија, зборуваме за сива економија на нерегистрирана дејност, за еден поширок опфат - рече Ангеловска.

Азески рече дека ќе се зборува и за формирање на фискален совет, како барање кое го има упатено до Владата